Landslide, natigayon sa Surigao City tungod sa pag-ulan nga hatud sa LPA

BUTUAN CITY – Wala’y natalang casualty sa landslide nga natigayon kagahapon sa may Purok Narra, Brgy. Quezon, Surigao City tungod sa pila ka oras nga wala’y hunong nga pagbundak sa ulan nga dala sa Low Pressure Area kon LPA.

 

Dako na lang ang pagpasalamat ni Nida Edradan Quintara nga ang garaheng bahin ra sa ilang pinuy-anan ang natabunan og dyutay sa midahiling kilid sa bukid duol sa gitarukan sa ilang pinuy-anan.

 

Hinuon nadamyos ang iyang tulo ka mga traysikol, tulo ka  mga  motorosiklo nga parehong anaa sa garahi-anan apil na ang usa  yunit sa videoke machine nga ang tanan, gibana-banang nagkantidad og 560-mil pesos.  (Beth Ruiz)