BUTUAN CITY- Gipanghimakak ni Sen. Panfilo “Ping” Lacson ang pamahayag ni Sen. Imee Marcos nga adunay kalabotan sa charter change ang daw laeng pagsuway og ilis sa liderato sa Senado.
Unang gibutyag sa presidential sister nga gusto sa mga nagduso og bag-ong liderato sa Senado nga makamugna og Constituent Assembly kon Con-Ass aron bag-ohon ang ilang probisyon sa saligang batas.
Lakip niini ang pagpalawig sa termino sa Presidente ug pag-utro sa minimum age requirement sa usa ka kandidato sa pagka-Presidente aron mapaburan ang kasamtangang administrasyon.
Apan sumala ni Lacson, wala kini kamatuoran ug puros kini bakak.
Gani, bisan kanusa wala matud pa nahisgutan sa minority bloc ang isyu sa con-ass.
Mingbwelta usab ang senador sa presidential sister, diin dayag ug klarong bakak lang matud pa ang mga gipang-esturya niini.
Sulod sa dul-an upat ka tuig nga liderato ni President Ferdinand Marcos Jr., adunay upat na ka senate president nga ming-ingkod, lakip sila Sen. Juan Miguel Zubiri, Chiz Escudero, Vicente Sotto III ug ang kasamtangan nga si Alan Peter Cayetano kinsa opisyal nga nagsugod niadtong May 11, 2026.
