BUTUAN CITY – Gikumpirma sa Office of the Ombudsman nga ila nang nadawat ang mga gisubmiteng ‘joint affidavit’ kagahapon gikan sa 18 ka nagpa-ilang mga kanhi sundalo ug mga sakop ni kanhi Ako Bicol Party-list Rep. Zaldy Co.
Sigon ni Assistant Ombudsman Mico Clavano, ilang girekognisa ang ‘transmittal’ sa joint affidavit ug ila kining susihon og maayo.
Apan giklaro sa Ombudsman nga dili lang ang unod sa ilang mga pamahayag ang ilang susihon kondili api na ang ila mismong mga kredibilidad isip mga ‘affiants’ partikular sa ila matud pang pagksakop kaniadto sa kanhi kongresista.
Taliwa niini, gipaniguro sa Office of the Ombudsman ngadto sa publiko nga patas, objective, ug propesyunal sila sa ilang pagtratar ug pag-aksyon sa nadawat nilang mga affidavits.
