BUTUAN CITY – Gikumpirma sa Bureau of Customs kon BOC nga nakatigom sila og kapin 102 milyones pesos gikan sa pagbaligya sa 9 ka 13 ka mahalong sakyanan nga ilang nakumpiska gikan sa magti-ayong contractor nga sila Sarah ug Pacifico “Curlee” Discaya.
Sigon sa ahensiya nga malampuson ang duha ka adlaw nila nga pagpahigayon og public auction diin tulo ka sakyanan ang nabaligya sa 25.751 milyones pesos og dugang 20-mil pesos para sa registration fees.
Ang mga sakyanang nabaligya mao ang Lincoln Navigator (2024) nga napalit sa Cantinetta Espresso Concepts sa P6.95 million; Cadillac Escalade ESV (2022) nga napalit sa Igorot Stone Kingdom Inc. sa P6.623 million; og Bentley Bentayga (2022), nga nakakuha sa pinakataas nga presyo sa P12.178 million nga napalit sa TDY Consumer Goods Trading.
Nakahimo ang ahensiya og 4 ka public auctions sa 13 ka sakyanan sa Discaya nga gisugdan niadtong Nobyembre 2025.
Ang unom pa ka sakyanan nga napalit mao ang: Rolls-Royce Cullinan (2023) – P29 million; Mercedes-Benz G63 AMD (2022) – P15.6 million; Mercedes-Benz G500 (2019) Brabus – P15.5 million; Lincoln Navigator L (2021) – P7.1 million; Toyota Sequoia (2023) – P6 million; og Toyota Tundra (2022) – P3.48 million.
Ang 13 ka sakyanan gikumpiska human nasuta sa imbestigasyonnga wala kini import entry records og kulang sa documentation nga anggi-require nga duties og taxes nabayaran og tarung.
Duna pay upat ka sakyanan nga anaa sa kustudiya sa BOC diin ang sunod nga public auction gitakda sa Marso 17.
