-- ADVERTISEMENT --
BUTUAN CITY – Tungod sa pila ka adlaw nang wala’y hunong nga pag-ulan, gisuspende na ni Tandag City, Surigao del Sur Mayor Ike Pimentel ang klase sa tanang level sa mga tunghaan sa ilang dakbayan.
Kini aron maseguro ang kaluwasan sa mga estudyante ilabina nga nabahaan na ang uban nilang mga barangay.
Nag-deploy na usa siya og mga tawo sa kabaybayunan, aron maseguro nga wala’y mananagat nga makalawig sa kadagatan tungod sa pagdagko na sa balud sa ilang kadagatan.
Gusto ni Mayor Pimentel nga dili na ma-usab ang nahitabo kaniadto diin usa ka mananagat ang patay samtang unom ang na-anod human nga wala mupatuo sa ilang advisory nga dili na magpalawod pa. (Beth Ruiz)
