BUTUAN CITY– Gi-anunsyo sa Philippine Health Insurance Corporation (PhilHealth) nga 33.2 milyon ka mga Pilipino na ang sakop sa ilang Yaman ng Kalusugan Program (YAKAP), usa ka pinalapdan nga primary care program nga naghatag og mas lapad nga akses sa healthcare sa tibuok nasud. Pinaagi sa 4,287 ka accredited clinics, ang YAKAP naghatag og libre nga konsultasyon, laboratory tests, outpatient cancer screenings, ug GAMOT benefit nga naghatag hangtod P20,000 nga tambal matag tuig.
Sumala ni PhilHealth President ug CEO Dr. Edwin Mercado, ang programa nagsilbing “sandigan” sa mga pamilya aron malikayan ang grabe ug mahal nga sakit. Ang agresibong rollout nga naglakip sa 191 empanelment drives ug digital registration pinaagi sa eGovPH Mobile App ug PhilHealth Member Portal nagsunod sa direktiba ni President Ferdinand Marcos Jr. nga ipatuman ang kalidad nga primary healthcare isip batakang katungod sa matag Pilipino.
