BOMBO BUTUAN – Gikumpirma ni P/Chief Insp. Ephraim Migreño – hepe sa kapulisan sa Bislig City sa lalawigan sa Surigao del Sur nga sa ilang siyudad nag-originate ang Kabus Padatuon (KAPA) nga gimugna ni Pastor Joel Apolinario kinsa nagpa-ilang bag-ong Moses.
Sa eksklusibong interview sa Bombo Radyo sa link-up sa mga Bombo Radyo stations sa Mindanao area, gipadayag sa opisyal nga ang hinungdan nga wala pa na-aksyunan sa kapulisan sa General Santos City ang ilegal nga operasyon sa KAPA tungod kini sa kawala pa’y mga miyembro sa maong ministry nga misumbong sa ilang buhatan.
Dili matud pa sama sa Bislig City nga midangop una sa mga city officials ang mga membrong gilayasan ni Apolinario og wala nahatagan sa gisaad niining 30-porsientong interest sa na-donate nilang kwarta.
Gitin-aw sa opisyal nga ang mga city officials naa ang midangop sa ilang buhatan rason nga dali nilang gi-imbestigahan ang operasyon niini gamit ang nakuha nilang business permit og SEC registration niini.
Sigon ni Megriño, dinhi na nila nasayran nga dili investment ang nakarehistro sa Securities and Exchange Commission kon SEC sa operasyon sa KAPA kondili ministry, rason nga ilegal ang pagsulod nila sa investment ilabina nga nanginahanglan pa kini og pag-apruba sa Bangko Sentral ng Pilipinas.
Kini gawas pa sa kamatu-urang ang nakalatid sa ilang gi-aplayang business permit sa Bislig City ubos sa pangalang KAPA-Community o KAPA-Co Convenience Store and General Merchandise, dummy lang sa tinuod nga modus sa maong grupo.
Gitin-aw usab sa opisyal nga sa pagkakaron mi-abot na sa 127 ka mga kaso ang napasaka sa mga miyembro sa KAPA batuk sa maong founder kondiin kapin sa 20 ka mga arrest warrants pa lang ang napagawas human matud pa gikaryo ni Apolinario ang uban nga mu-atras bugti sa ihatag kanilang salapi kondiin wala pa hingpit nga nabayran ang uban. (Beth Ruiz)
