BUTUAN CITY – Gi-aghat sa lokal nga panggamhanan sa dakbayan sa Butuan ang katawhan nga maghimo gilayon ug pre-emtive evacuation tungod sa padayong pag- ulan.
Sigon sa tigpamaba sa Butuan LGU nga si Michiko de Jesus, duna nay kabarangayan ning siyudad nga nagsugod na pagbaha kagahapong adlaw, kini ang Barangay Libertad, Barangay Imadejas, Barangay Pangabugan, Barangay Maon, Barangay Villa Kananga, Barangay San Vicente, ignon man Baranggay De Oro diin naka tala na usab ug mga pag dahili sa yuta.
Sa kasamtangan mi-abot na sa 700 ka mga pamilya o 2,405 ka mga indibidwal ang nanghikling sa mga nagkada-iyang eskwelahan, covered court ug uban pa nga mga evacuation centers ning dakbayan.
Sumala ni de Jesus, anaa na sa 1.21 ka metros ang water level sa Agusan River kagahapong adlawa, apan wala pa kini sa critical level nga 2 meters.
Sa kasamtangan, padayon nga dunay close coordination ang kabarangayan ning syudad ingon man ang CDRRMO, kapulisan ug uban pang mga personahe nga makatabang panahon sa emerhensiya.
