BUTUAN CITY- Dili moubos sa 70 ka mga reklamante ang midagsa sa barangay hall kagahapong adlawa sa Barangay Pangabugan ning siyudad sa Butuan human matud pa na-scam sa usa ka seller nakaila lang gikan sa facebook.
Sa eksklusibong pakighinabi sa Bombo Radyo Butuan sa gireklamong si Eden Sobisa nga taga Purok Narra, sa samang barangay, gibutyag niini nga gipasabot na matud pa niya sa mga mireklamo ang kahimtang sa ilang Repa Paluwagan.
Sumala niini nga nagsugod siya nga nag reseller niini niadtong ikaduhang semana sa Agusto hangtod ning kasamtangan.
Gani igo lang matud pa niya usab nakaila diha sa facebook ang maong seller nga gikan pa sa Jagna,Bohol ingun man ang tanan niyang mga myembro nga miapil sa maong paluwagan.
Sigon niini, nga una matud pa siyang mi-apil sa maong negosyo adesir siya namaligya og slots alang niini. Apan sa wala damha, lakip matud pa siya nga na-scam usab sa maong seller human nga niadtong Setyembre 15 ning tuiga nga katapusan siya nga naka pay-out gikan sa seller.
Samtang wala na usab kini napakita nga resibo ngadto sa mga reklamante human nga nabasa na matud pa kini sa ulan tungod kay permi syang maabtan hinungdan nga kumpyansa lang matud pa siya.
Gibutyag pa niini nga muabot sa kapin 100,000 pesos ang kantidad sa mga na pay-in na nga kwarta alang sa maong paluwagan kondiin ang interest niini muabot na usab sa milyunes ang kantidad.
Nasayran nga daghan ang na-agni sa maong paluwagan tungod sa kadako sa interest niini sulod sa pipila lang ka adlaw.
Sa kasamtangan, gipa blotter na matud pa niya kini sa kapulisan ug nagpatabang na aron ma trace ang insaktong nahimutangan sa seller.
Tungod niini, mipasalig na lamang siya nga ma-uli ang puhunan ngadto sa mga miapil sa Repa Paluwagan apan anam-anam lang matud pa kini
