BUTUAN CITY – Nagpadayon karun ang pagpanghatag og fuel subsidy alang sa mga Public Utility Vehicle kon PUV drivers og operators sa rehiyon sa Caraga.
Sigon ni Jun Darapa, Hepe sa Land Transportation Franchising and Regulatory Board kon LTFRB-Caraga nga muabot sa 1,417 ka driver og 1,988 ka operator sa PUV ang anaa sa ilang listahan sa karun nga makadawat sa fuel subsidy nga 5-mil pesos.
Apan ang maong ihap laumang madugangan pa ilabina kay tinguha gayud sa gobyerno nga walay mabiyaang driver ning panahon sa krises.
Pagbutyag pa sa opisyal nga ipaagi sa e-wallet ang paghatag sa subsidiya rasong dili na kinahanglan pang magpila ang mga niini sa ilang opisina.
Ang nasangpit nga fuel sa subsidy sa ahensiya lahi sa gipanghatag usab karun sa Department of Social Welfare and Development kon DSWD.
Gipaneguro nalangni Darapa nga ang mga benipisyaryo niini kadto gayung naghawid og lehitimo nga prangkisa tungod kay duna man silang listahan sa mga niini.
Gipakusgan matud pa ang paghatag sa fuel subsidy tungod sa pagsuspinde usab sa usbaw sa plitehan nga gimandu ni Pangulong Ferdinand Marcos Jr.
Nagpaabot usab kini og mensahe sa mga driver nga dili lang kaayu madismaya sa kasamtangang sitwasyon bisan og siento porsiento ang gisaka sa presyo sa diesel. Sumala pa niini nga gibuhat sa gobyerno ang tanan aron sila matabangan. Hangyu nalang niini nga dili mohunong sa pagpamasad tungod kay looy usab ang mga sumasakay hinoon magtinabangay ning panahon sa kalisud.
