BUTUAN CITY – Mi-abot na sa 2,025 ka mga tawo ang natalang patay sa France tungod sa grabe nga heatwave sa Europa sukad sa katapusan nga semana sa Hunyo. Sumala sa ilang mga public health officials, 30 porsiyento kini nga mas taas kumpara sa mi-aging semana.
Sumala sa French Health Minister Stéphanie Rist, mamatikdan ang pagsaka sa gidaghanon sa mga namatay, ilabina sa edad 45-anyos pataas.
Niadtong Hunyo 24, natala sa France ang pinaka-init nga adlaw sa kasaysayan sa nasud diin miabot sa halos 41 degrees Celsius ang temperatura sa Paris samtang gibutang sa red heat alert ang katunga sa nasud.
Gilauman nga usab mu-abot sa 40 degrees Celsius ang temperatura sa habagatang bahin sa France, ug nagpagawas ang gobyerno og red alert status tungod sa hulga sa forest fires.
Base sa datos, 7,000 ka sunog na ang natala sukad nagsugod ang ting-init, nga nakasunog og mga 8,700 ektarya nga yuta. Libu-ang mga residente usab ang gipahikling tungod sa pagkaylap sa wildfire.
