BUTUAN CITY- Mipadayag si Florencio Bunal Jr. residente sa Purok Saging B, Barangay Basag, Butuan City, sa iyang gibati kalabot sa dugay na nga problema sa tubig sa Butuan City Water District nga hangtod karon wala pa gihapon masulbad.
Sumala pa niini, nga sukad pa sa niadtong miaging semana wala wala nay tubig ang ilang barangay, hinungdan nga iyang gipagawas sa social media ang iyang gibati gani nakapangutana pa kini kung asa na ang mga gipang saad sa mga opisyal niadtong panahon palang sa election. Sigon pa ni Bunal, nga samtang nagtrabaho pa kini sa gawas sa nasud, walay problema sa tubig nga ilang nasinati didto bisan pa nga parehas ang kahimtang.
Dugang pa niini, nga kung nabuhat sa ubang kanasuran nga masulosyonan ang maong problema nganu matud pa nga dili kini mabuhat sa dakbayan sa Butuan nga adunay man untay dakong pundo. Gibutyag ubsa Bunal, nga daghan nay minglabay nga opisyal ang minglingkod sa katungdana apan walay ni-isa ang nakapangita og kongkretong solusyon sa problema sa tubig nga dugay nang gihinaing sa katawhan.
