BUTUAN CITY – Tungod sa paglapas sa ban sa political dynasties, duha ka mga kandidato sa Barangay ug Sangguniang Kabataan elections ang gibawalan na sa Commission on Elections kon COMELEC pagdagan sa maong eleksyon karong Oktubre 30.
Kagahapon, gikansela na sa COMELEC ang certificates of candidacy kon COCs nila Merson Calubag kinsa midagan pagka-SK chairan sa Barangay Magtangale, lungsod sa San Francisco, Surigao del Norte ug Ivy Jane Miranda nga midagan sa susamang posisyon alang sa Barangay Malag-it sa Calinog, Iloilo.
Sigon sa second division sa COMELEC, nahukman si Calubag og guilty sa misrepresentation hinungdan sa pag-deny ug pagkansela sa iyang COC.
Nasuta pa sa second division nga gideklara ni Calubag sa iyang COC nga dili niya kabanay sulod sa second civil degree of consanguinity ang usa ka incumbent official sa barangay diin unta siya magpapili.
Nasayran sa COMELEC nga si Calubag, anak ni Marilyn Calubag, kagwad sa Barangay Magtangale.
