-- ADVERTISEMENT --
BUTUAN CITY- Motuman ang kampo ni Vice President Sara Duterte sa pag-isyu sa writ of summons sa Senado, kinsa nagsilbing impeachment court. Sumala ni Atty. Michael Poa, ang legal counsel ug tigpamaba sa Bise Presidente nga sila mo-tubag sa proseso nga gigahin sa Senate impeachment court.
Gi-insistar niini nga magpasaka sila og igo nga tubag nga nahi-uyon sa konstitusyon. Gibutyag usab niini nga ilang respituhon ang kasamtangang proseso ug dili na sila mohatag og dugang pa nga komento. Kahinumdumang gihatagan sa Senate impeachment court og 10 ka adlaw ang Bise Presidente higayong madawat na nila ang writ of summons.
