BUTUAN CITY – Mag-deploy og mga personahe sa K-9 Unit ang Philippine Drug Enforcement Agency kon PDEA-Caraga sa booth nga imontar nila sa vicinity sa Datu Lipus Makapandong Democrito O. Plaza Sports Complex uban sa ilang mga K-9 kon trained narcotics detection dogs.
Kini aron masigurong drug-free ang Palarong Pambansa 2026 ug luwas ang mga delegado gikan sa mga ilegal nga druga nga posibleng ipalusot sa mga drug personalities.
Sigon ni PDEA-Caraga spokesperson Dindo Abellanosa, tumong usab niini nga visible sila sa mga playing venues aron duna’y madu-ulan ang mga tawo higayong duna sila’y mamatikdan nga mga illegal drugs activities.
Sa ilang booth, duna usa’y ilang ipang-display nga mga propaganda materials aron maghatag og kahibalo sa mga tawong muduol sa ilang booth kalabot sa mga dautang angayang masayran higayong mugamit ug mulambigit sa operasyon sa ginadiling druga.
Suportahan usab ang ilang mga personahe sa K-9 Unit sa mga personahe nila sa Agusan del Sur Provincial aron masigurong wala’y makalusot nga illegal drug activities sa mga playing venues sa buong duration ng national sporting event.
