BUTUAN CITY – Makonsidera pa gihapon nga maayong balita ang pagkapili kang Gilas Pilipinas naturalized player Justin Brownlee sa All-Star Five sa FIBA Olympic Qualifying tournament sa Riga, Latvia.
Kini tungod kay bisan og napakyas ang Pilipinas pagsulod sa Olympics, mibilib pa gihapon ang FIBA kang Brownlee nga duna’y 23.0 points average, 8.3 rebounds ug 6.3 assists sa tulo ka dulaan gawas pa sa iyang shooting average nga 46.2 percent gikan sa field ug 43.5 percent gikan sa long distance.
Sigon sa FIBA, makonsiderang halimaw sa pagdula si Brownlee ug dakong factor kini sa Gilas Pilipinas.
Sa panig usab ni Gilas coach Tim Cone, gibutyag niining dominado gayod ni Brownlee ang mga dula kondiin wala na’y makalabaw pa sa iyang kamaayong mudula.
Nagpasalamat na lang si Brownlee sa mga pagdayeg kaniya dayong pasalamat sa tibuok koponan. Ka-uban ni Brownlee sa listahan si Bruno Cabocio, Leo Meindl sa Brazil, Rihards Lomazs sa Latvia ug Jeremiah Hill sa Cameron.
