BUTUAN CITY- Nahimong dili malimtan nga kasinatian alang sa aktor nga si Jericho Rosales ang iyang pagtambong sa premiere sa pelikulang “The Odyssey” ni direktor Christopher Nolan sa Mumbai, India, diin personal niining nahimamat ang mga Hollywood stars nga sila Tom Holland, Matt Damon, ug si Nolan mismo.
Usa sa mga highlight sa maong kalihokan mao ang pagpirma ni Damon og autograph alang kang Jericho, nga mipadayag usab sa iyang dakong pagdayeg sa pelikula ug sa estilo sa pagdumala ni Nolan. Gipasidunggan usab niini ang talagsaong pag-arte ni Matt Damon, kansa iyang giingong nakapahilak kaniya sa pagtan-aw sa pelikula.
Sa iyang Instagram, gipakita usab ni Jericho ang eksklusibong souvenir nga gipanghatag sa premiere ug nagbiro nga andam kining mo-audition bisan og gamayng papel basta makatrabaho lang si Christopher Nolan sa umaabot.
