BUTUAN CITY – Gi-anunsyo sa United States State Department nga nagkasabot ang Israel ug Lebanon nga ipatuman ang ceasefire kansa timaan sa hingpit nga paghunong sa pagpangatake gikan sa militanteng grupong Hezbollah kansa suportado sa Iran, gawas sa uban pang mga kondisyon.
Natigayon kini human ang Israeli strikes sa habagatang bahin sa Lebanon kagahapon nga mikalas og siyam ka mga tawo nga gibaslan sa Hezbollah pagtira og mga rockets didto sa northern Israel, kansa usa ka pagsulay sa delikadong ceasefire kansa inisyal nga nasabutan niadtong Abril.
Nakalatid usab sa kasabutan nga mutabang ang Estados Unidos paggiya sa kamugnaan sa mga pilot zones sa teritoryo kondiin duna’y eksklusibong kontrol ang Lebanese Armed Forces.
Gi-anunsyo kini human nasabutan ang partial ceasefire ning mi-aging adlaw kondiin gibutyag sa Lebanon nga gila-uman nilang ihunong sa Israel ang pagpamomba sa Beirut, bugti sa dili pag-atake sa Hezbollah ngadto sa Israel.
Subling magtagbo ang duha ka nasud karong Hunyo 22 alang sa dugang panagsabot nga gila-umang makakab-ot na og kasabutan.
