BUTUAN CITY – Gipahibalo sa kasundalohan sa Israel nga magpahigayon na usab sila usa ka adlaw-adlaw nga “tactical pause” sa operasyong militar sa pipila ka bahin sa Gaza Strip matag-buntag aron mapadali ang paghatud sa mga hinabang.
Ipatuman kini gikan sa alas-8:00 hangtod sa alas-9:00 sa buntag matag-adlaw kansa mulungtad hangtod sa dugang nga pahibalo ug ablihan ang dalan gikan sa Kerem Shalom Crossing hangtod sa Salah al- Din Road ug sa amihanan.
Ang desisyon kabahin sa mga paningkamot sa pagpakusog sa humanitarian aid nga mosulod sa Gaza Strip human sa mga diskusyon sa United Nation ug uban pang organisasyon.
Sumala sa World Health Organization, kapin sa 8,000 ka mga bata nga ubos sa singko-anyos ang edad ang gitambalan tungod sa nga malnutrisyon sa Gaza.
Kahinumduman usab nga ang mga internasyonal nga tigpataliwala nagpugos sa Israel ug Hamas nga mouyon sa ceasefire ni United States President Joe Biden aron tugutan ang pagbinayloay sa mga binilanggo ug aron madugangan ang mga paningkamot sa paghatud sa tabang.
