BUTUAN CITY- Gipahigayon sa Israel ang pagtarget sa usa ka “major” nga pasilidad sa missile ug sea mining production sa sentral nga Iran samtang nagpadayon ang binayloay nga mga pagpamomba tali sa duha ka nasod.
Gani, misaka usab ang presyo sa Brent crude oil labaw sa $110 per baril human gipahibalo ni U.S. President Donald Trump nga iyang i-postpone sa napulo ka adlaw ang plano sa paglaglag sa mga energy plants sa Iran.
Bisan paman nga wala pa mingtubag ang Tehran sa desisyon sa Amerika, padayon usab gihapon nga naghulat og tubag sa Washington alang ilang kondisyon nga ceasefire.
Sa usa ka cabinet meeting, gikumpirma ni special envoy Steve Witkoff nga ang U.S. nakapadala og 15-point peace plan ngadto sa Iran. Samtang ang UN human rights chief mingbutyag nga ang deadly strike sa usa ka Iranian school sa unang adlaw sa gubat nagdala og “visceral horror,” diin usa ka inahan nga nawad-an og duha ka anak nanawagan nga ipadayag ang kamatuoran.
Padayon nga nagbinayloay og mga misil ang Israel ug Iran, ug usa ka Iranian ang mingtug-an nga “ang tingog sa mga missile nag-uban sa dalugdog sa bagyo” sulod sa tibuok gabie.
