BUTUAN CITY- Gikompirma ni Israeli Prime Minister Benjamin Netanyahu ug Defence Minister Israel Katz, nga minglusad ang militar sa Israel og usa ka airstrike sa habagatang bahin sa Beirut, ilabina sa distrito sa Dahiyeh, batok sa giingong mga target sa Hezbollah.
Sumala sa pahayag sa Israel, gihimo ang operasyon isip tubag sa giingong pagpabuto sa Hezbollah ngadto sa teritoryo sa Israel, diin gipasiugda niini nga dili nila tugotan ang bisan unsang pag-atake batok sa ilang nasod.
Gitaho sa usa ka state media nga ang pag-atake nakaigo sa lugar sa Ghobeiry, samtang adunay mga pagbuto nga nadungog sa habagatang suburb sa Beirut.
Ang insidente nahitabo pipila ka minuto human gipahibalo sa Israeli military nga ilang giatake ang usa ka giingong pasilidad sa Hezbollah, nga nagdugang og kabalaka sa posibleng pagsaka pag-usab sa tensiyon tali sa duha ka panig bisan pa sa mga paningkamot alang sa hunong-boto
