BUTUAN CITY-Gipadayag sa Iran kagahapong adlawa domingo nga determinado kini dipensahan ang nasudning soberanya human ang bag-ong air strikes sa Estados Unidos sa pipila ka monitoring facility ug surveillance sa south coast sa nasud.
Sa opisyal nga pamahayag sa Iranian foreign ministry, hugot nga gikondena ang pag-atake sa gitawag nilang “teroristang hukbo ng US” ug gi-insistar nga ipadayon nila ang pagdepensa sa ilang teritoryobatok sa bisan unsang agresyon.
Samtang, nagpabiling naka-ung-ung ang marupok nga hunong buto taliwa sa kagubot sa Tunga-tungang Sidlakan, samtang padayon nga nagtinudlo-ay ang Iran ug Estados Unidos sa paglapas sa kasabotan.
Nagpasidaan usab si Foreign Minister Abbas Araghchi nga ang bisan unsang hagit sa pagkontrol sa Iran sa Strait of Hormuz mosangpot sa mas dakong tensyon, labi na sa nagpadayon nga negosasyon sa kalinaw.
Sumala niini, ang bisan unsang pagsulay sa pagpatuman sa usa ka lahi nga kasabutan nga wala nahiuyon sa kasamtangang memorandum of understanding mopalala lang sa sitwasyon ug hinungdan sa mga pagkalangan sa pag-abli pag-usab sa strategic strait.
Nanawagan si Araghchi sa tanang kampo nga magpabiling matinud-anon sa kasabutan ug dili tugotan nga mabalda ang proseso, taliwala sa bag-o nga pagbinayloay og mga pag-atake sa miaging duha ka gabii.
