BUTUAN CITY- Gisuspendi sa Iran ang tanang diplomatic channels ug indirect communication niini sa Estados Unidos, pila ka oras adiser ang self-imposed deadline ni U.S. President Donald Trump aron abrihan sa Tehran ang Strait of Hormuz.
Sumala sa Iranian media outlet Tehran Times, gisira sa Iran ang tanang linya sa komunikasyon niini, lakip ang pagpalupad og mensahe, sa Amerika. Una niini, mingbahad si Trump sa iyang Truth Social nga mapatay ang tibuok sibilisasyon karun nga mipakita og paggrabe sa relasyon sa US ug Iran, hilabi na sa nagkagrabe nga tensyon sa Strait of Hormuz, usa ka importanteng portal sa 1/5 nga pangkalibotanong lana sa kalibotan. Dugang pa nii Trump nga ang 47 ka tuig nga gitawag niini “extortion, corruption and death” mahuman na.
Human sa hulga ni Trump, mipagawas usab og pamahayaga ang Islamic Revolutionary Guard Corps (IRGC) sa Iran kansa nag-ingon nga humana na ang “good neighborliness and self-restraint,” ug posibleng mawad-an og access sa lana ug gas ang US ug mga ka-alyado niini sa rehiyon “for years.”
Ang maong pasidaan subay sa gikatahong airstrikes sa Estados Unidos ug Israel sa Kharg Island, usa ka nag-unang oil-export terminal sa Iran sa Persian Gulf, sumala sa state-linked Mehr News Agency. Gitarket matud pa sa pag-atake ang radar station, docking facilities, ug uban pang military installations sa maong isla.
