BUTUAN CITY- Gibana-banang mo-abot sa 60 hangtud 70 ka mga witness ang posibleng gamiton sa Prosecution sa pagtaral kang kanhi President Rodrigo Roa Duterte sa International Criminal Court kung asa anaa sa 25 to 30 sa mga niini ang personal nga testigo sa Korte. Base sa mga dokumentong gipasaka sa International Criminal Court Trial Chamber III mo-abot sa 175 hangtud 200 hours ang direktang pagpresenta sa mga testimonya sa mga testigo.
Gipadayag usab sa Prosecution, nga kapin 13,000 evidence ang wala pa nahuman pagsusi gawas sa kapin 5000 ka mga dukomento nga napa-ambit na sa partido sa kaso. Target sa Prosecution nga mahuman ang tanang pagsusi, pagtu-on sa mga dokumento ug pag-andam sa mga testigo pag-abot sa September 30 sa kasamtangang tuig, samtang, gibutyag usab niini nga sugdan ang pagtaral sa Nobyembre 30. Samtang mingsupak usab ang kampo sa kanhi Presidente sa pagtakda dayon og Trial date ug gi-insistar nga kinahanglan usa og bag-ong pagsusi sa kahimtang sa kanhi Presidente aron masuta kung kaya ba niining mo-atobang sa pagtaral.
Nanawagan usab ang mga abogado sa mga biktima nga padali-on ang pagsuod sa kaso aron dili na matud pa mas madugay pa pag-huwat sa hustisya.
