BUTUAN CITY- Nanawagan ang International Coalition Human Rights Group in the Philippines (ICHRP) sa International Criminal Court (ICC) nga magpagawas gilayon og arrest warrants batok sa mga kanhi ug kasamtangang opisyal sa gobyerno nga gi-ingong mga “co-prepatrators” sa daw crimes against humanity kalabot sa kampanya kontra droga ni kanhi Pangulo Rodrigo Duterte.
Sa usa ka pamahayag sigon ni ICHRP Chairperson Peter Murphy, nga kinahanglan matud pang huasyon ang mga gipanganlang opisyal dungan ni Duterte, nga kasamtangang naka kustidya sa ICC.
Matud pa, klaro nga ang sistema sa hustisya sa Pilipinas dili makahimo sa pagkiha sa mga giingong nalambigit, ug samtang gawasnoon pa ang mag niini posible nga magsira ang mga ebidensya, mahadlok ang mga testigo, maka-ikyas sa ilang mga tulobagon. Gi-insistar usab sa maong grupo nga ang hearing sa kumpirmasyon sa mga kaso sa Pebrero 23, magsilbi isip importante nga lakang alang sa mga biktima sa drug on war.
Gidawat usab sa ICHRP ang nahimong desisyon sa ICC Pre-Trial Chamber I niadtong Enero 26 nga ibasura ang mga mosyon sa kampo ni Duterte nga dili kini fit for tria, kinahanglang buhi-an, o i-postpone ang hearing, ug ang mga alegasyon nga wala nahimong patas ang proseso.
Sa dokumentong gipagawas sa ICC niadtong Pebrero 13, gipanganlan ang pipila ka daw co-conspirators sa war on drugs, lakip na sila Senator Ronald “Bato” Dela Rosa at Christopher Lawrence “Bong” Go, kanhi Justice Secretary Vitaliano Aguirre II, ug mga kanhi hepe sa Philippine National Police.
Samtang, hugot usab nga gilimod nila Aguirre ug Go ang pagkalambigit sa kampanya kontra daroga sa kanhi administrasyon, samtang si Dela Rosa usab kansa gi-ilang arkitekto sa “Oplan Tokhang” wala na mingsulod sa senado sukad niadtong Nobyembre sa mianging tuig human gipadayag ni Ombudsman Jesus Crispin Remulla nga aduna nay gipagawas nga warrant of arrest katok kanya.
