BUTUAN CITY – Gibuhian na sa Iraqi militiamen gikan sa grupong Turf al-Sakhar, nga nahimutang mga 40 milya sa amihanan sa Baghdad ug suportado sa Iran, ang usa ka Amerikanang gtigbalita nga gi-kidnap sa mi-aging bulan didto sa Kataib Hezbollah, human ang prisoner exchange uban sa gobyerno sa Iraq.
Ang tigbalita nga si Shelly Kittleson gibuhian pinaagi sa negosasyon nga gipangunahan ni Mohammed Shia’ al-Sudani. Sumala sa representante sa militia nga si Abu Mujahid al-Assaf, gibuhian si Kittleson ubos sa kondisyon nga mubiya dayon siya sa nasud.
Nagpasalamat ang U.S. Department of State sa tanang mitabang aron makab-ot ang kagawasan ni Kittleson kansa sigon ni Marco Rubio, nagpakita sa padayon nga paningkamot sa Estados Unidos sa pagpanalipod sa ilang mga lungsuranon bisan asa sila n ga parte sa kalibutan.
Samtang nahupay usab ang National Press Club sa maong balita ug naglaum nga makagawas siya gikan sa maong nasud nga luwas.
Ang kagawasan ni Shelly Kittleson usa ka maayong balita alang sa press freedom ug seguridad sa mga tigbalita ug magsilbi usab nga pahinumdom sa mga peligro nga gi-atubang sa mga journalist sa mga lugar nga adunay kagubot ug panagbangi.
Sa padayon nga tensyon sa Middle East, ang kaluwasan sa mga sibilyan ug mga tigbalita nagpabilin nga usa ka dakong isyu nga kinahanglan hatagan og pagtagad sa internasyonal nga komunidad.
