BUTUAN CITY – Human ang napulo ka tuig nga negosasyon, hingpit nang nakakab-ot og makasaysayanong kasabutan ang mga nasud aron protektahan ang kadagatan sa tibuok kalibutan.
Ang High Seas Treaty, nagbutang sa 30% sa atong kadagatan ngadto sa protected areas pag-abot sa tuig 2030 aron protektahan ug mabalik ang marine nature.
Nakab-ot kini nga kasabutan ning adlawa lang -oras sa Pilipinas, human ang 38-oras nga negosasyon nga gipahigayon sa UN headquarters sa New York.
Nasayrang pila ka tuig nga gihimo ang negosasyon tungod sa wala pagsinabtanay kalabot sa funding ug fishing rights.
Ang katapusang international agreement sa pagprotiher sa kadagatan gipirmahan 40 ka tuig na ang nakalabay kon niadtong tuig 1982 – nga mao ang UN Convention on the Law of the Sea.
Gi-establisar kini sa lugar nga gitawag og high seas – kansa mao ang international waters kondiin ang tanang mga nasud duna’y katungod sa pagpangisda, pagpalawig sa barko ug paghimo og research apan 1.2-porsiento lang niini nga kadagatan ang protektado.
Ang marine life nga nanimuyo gawas niini nga mga protected areas, anaa karon sa risgo gikan sa climate change, sobra nga pagpanguha sa mga isda ingon man shipping traffic.
