BUTUAN CITY – Gipadayon sa Senate blue ribbon committee ang pagdungog sa anumalusong mga flood control projects pagpanguna ni committee chair Senador Pia Cayetano kinsa mitugyan sa pagdungog ngadto kang Senate Sub-Blue Ribbon Committee chair Rodante Marcoleta.
Kini taliwa sa gihimong lahugay kagahapon sa mi-angkong bag-ong majority pagpanguna ni Senador Sherwin Gatchalian nga gipiling Senate President Pro-Tempore kondiin gitudlo nila nga chairman sa Senate Blue Ribbon committee si Senador Erwin Tulfo nga mi-anunsyo pa nga isibog ang eskedyol sa pagdungog.
Mitambong sa pagdungog ang 18 ka mga marines ug ilang abogadong si Atty Levi Baligod kinsa wala gipatawag ni Senador Ping Lacson dihang siya pa ang nag-chair sa komite taliwa sa kakusog sa ilang claim nga sila ang naghatud og minaleta nga kwarta ngadto sa mga tag-as nga opisyal sa gobyerno.
