BUTUAN CITY-Samtang nagpadayon ang kalibutan sa pagbangon gikan sa epekto sa Covid-19, mipahimangno ang mga health experts sa mas taas nga pag-amping tungod sa pagdagsa sa kaso sa influenza A nga nalambigit sa H3N2 subclade K variant nga gitawag sa uban og “superflu.”
Gipasabut sa mga health authority nga dili kini bag-ong sakit ug dili usab opisyal nga termino medikal, kondili usa ka tawag sa media alang sa mas kusog nga seasonal influenza A karong flu season.
Sa Estados Unidos, U.K., Europa ug pipila ka bahin sa Asya, misaka ang pagkuyanap sa trangkaso kansa posibleng makalikay gamay sa immunity gikan sa bakuna o miaging impeksiyon. Dinhi sa Pilipinas, gikumpirma sa DOH ang pagtaas sa kaso sa H3N2 subclade K, apan kasagaran sa mga pasyente nakabawi ug wala’y talagsaong pagsaka sa mortality rate.
Gipunting sa mga eksperto ang kamahinungdanon sa basic health measures sama sa kanunay nga paghugas sa kamot, husto nga cough etiquette, ug pagsul-ob og mask kung adunay sintomas o anaa sa daghang tawo.
