BUTUAN CITY – Gi-deny sa Korte Suprema ang hangyo ni Senador Ronald “Bato” dela Rosa nga temporary restraining order (TRO) o kaha status quo ante order (SQAO) subay sa posibleng pag-aresto kaniya base na sa arrest warrant nga gi-isyu sa International Criminal Court (ICC).
Sa press briefer kaganina, gipadayag sa Korte Suprema nga ang En Banc, nga sa botong 9-5-1 atol sa special session, gi-deny ang prayer for interim relief sa senador.
Gipadayag usab sa Korte Suprema nga nga ang ilang giresolba mao lamang ang mga hangyo alang sa interim relief, particular na sa TRO ug sa status quo ante order ug ila pang desisyunan ang ubang mga main legal issues.
Una nang gipadayag sa kampo ni Dela Rosa nga bisan og ilang gi-ila ang nagtunhay nga arrest warrant nga gi-isyu sa ICC, wala nila gikonsidera ang pagpatuman niini dinhi sa nasud.
