BUTUAN CITY – Parehong gi-anunsyo nila Hailey ug Justin Bieber ang pagbaton na nila og anak pinaagi sa pagpakita sa baby bump ni Hailey diha sa ilang Instagram posts kaganina.
Usa ka representante alang kang Hailey Bieber ang mikumpirma nga unom ka buwan nang mabdos ang modelo ug ang pagmabdos sa 27-anyos nga si Hailey sa anak nila Justine kinsa 30-anyos na karon, nahitabo human sila gikasal niadtong tuig 2018.
Kulba-hinam na aang sa magti-ayon ang umalabot nga paggawas sa ilang anak ilabina nga dugay na nila kining gipa-abot.
Parehong gi-tag sa duha ang ilang tagsa-tagsa ka kaugalingon sa Instagram post kondiin si Hailey, nakasuot og taas nga kolor puti nga duna’y lace nga sapot ug belo nga giputol sa iyang ulo dayong gunit sa iyang baby bump.
Ang maong video ug photoshoot, ila mismo sa mga Bieber atol sa pag-renew sa ilang wedding vows nga gipahigayon sa Hawaii, kaganinang buntag, oras sa Pilipinas.
