BUTUAN CITY – Padayon ang imbestigasyon sa kapulisan sa Surigao City aron masuta ang motibo sa natigayong pagpamusil sa may Pantalan Uno sa maong siyudad kagabii.
Patay sa maong pagpamusil ang usa ka guest relation officer kon GRO sa usa ka night club nga si Monica Cariño, 23 anyos, kasamtangang nagpuyo sa Purok 3, Baranggay San Juan og ang 40-anyos nga si Rally Mellapis, residente sa Binocaran, Malimono, Surigao del Norte.
Migawas sa inisyal nga imbestigasyon nga uban matud pang nag-inom ang duruha sa usa ka bar sa City Boulevard og dihang pauli na sakay sa motorsiklo, gisundan sila sa usa ka lalaking naka-motorsiklo og gipamusil.
Gisuta pa sa kapulisan ang nakuhang pamahayag gikan sa pipila ka nga saksi nga misinggit pa ang suspek nga karelasyon matud pa sa biktimang babaye.
