BUTUAN CITY – Gitaral ang mga miyembro sa usa ka relihiyusong grupo sa Australia nga gi-akusahang mipatay sa usa ka 8-anyos nga batang diabetic tungod sa wala pagpatambal niini.
Nasayrang si Elizabeth Struhs nakaplagang patay sa usa ka balay sa Toowoomba, 125-kilometros ang gilay-on sa West Brisbane niadtong Enero 2022, human matod pa wala naka-insulin ug halos usa ka semana.
Sigon sa mga prosecutor na kanhi mga miyembro sa secta nga nailang The Saints, nag-ampo sila sa Ginoo na ayohon ang maong bata kaysa mangita ug tabang medical. Apil sa 14 ka mga defendants ang ginikanan sa bata kinsa parehong mipili sa ilang kaugalingona aron murepresentar sa highly publicised ug pinasahi kaayong kaso.
Ang duha ka mga lalaki nga amahan ni Elizabeth nga si Jason Struhs, 52-anyos ug ang lider sa grupo nga si Brendan Stevens, 62-anyos, parehong gikasuhan og murder, kansa sigon sa mga prosecutors maoy nagdasig ug nagmando sa ubang membro sa grupo.
Samtang ang inahan sa bata nga si Kerrie Struhs, 49-anyos, igsoon niining si Zachary Struhs, 21-anyos ug laing napulo nga nag-edad o g22 ngadto sa 67, gikasuhan usab og manslaughter.
