BUTUAN CITY – Nakabalos ang New Zealand batuk sa Gilas Pilipinas human magpakita og anindot nga dula og gipildi ang Pilipinas sa 87-70, rasong nasulod na ang team sa Group B para sa pagtapos sa ilang dula sa 2025 FIBA Asia Cup Qualifiers kaganinang buntag nga gihimo sa Spark Arena, New Zealand.
Mahinumduman nga nakatala ang Tall Blacks sa ilang pinaka-unang kapildihan sa Pilipinas sa FIBA niadtong Nobyembre 2024, apan pursigido kini sukad sa pagsugod ug wala nagpapildi og nakuha ang 5-1 nga record.
Sa pikas bahin, natapos ang Gilas Pilipinas sa sunod-sunod nga kapildihan, 4-2, apan segurado nang makasulod sa tournament proper sa Agosto sa Jeddah, Saudi Arabia.
Miarangkada ang New Zealand, diin nakapasulod sila Toho Smith-Milner ug Jordan Ngatai,og unom ka three-pointers sa unang kwarter pa lang sa dula.
Bisan og gipaningkamotan sa Gilas nga makatampo sa second quarter, wala na nila nakayang gukuron pa ang bangis nga opensa sa New Zealand.
