France nahimong pinaka-unang nasud sa European Union nga nagpatuman og mga restriksyon sa paggamit sa social media sa mga bata

BUTUAN CITY- Gipasa na sa mga magbabalaod sa France ang balaod sa pagbawal sa mga bata nga mogamit og social media.

Sila ang unang nasud sa European Union nga nagbawal sa mga nag-edad og 15-anyos pa-ubos nga mogamot sa social media.

Gipaboran sa majority sa mga magbabalaod sa France ang sugyot balaodnon ug kini gitakdang permahan na ni French President Emmanuel Macron aron hingpit kining mahimong balaod.

Niadtong mi-aging tuig nagtala og kasaysayan ang Australia sa pagbawal sa mga bata nga nag-edd og 16 pa-ubos nga minggamit sa social media
.
Samtang gi-anunsyo sa British government ang susamang pagbawal.

Sa sunod usab nga tuig mahimong epektibo sa mga nasud nga Spain, Greece ug Denmark kansa limitahan ang edad sa paggamit sa social media.