BUTUAN CITY- Overwhelming ang mga ebidensya nga gipresentar batok kang Vice President Sara Duterte kagahapon Abril 29, 2026 diin asa aduna matud pa kini lig-on ug klaro nga presentasyon, sumala ni France Castro, kanhi representante sa ACT Teachers Party-list.
Sa eklusibong pakighinabi ning sibyahan, gibutyag niini nga kritikal ang isyu sa paggamit sa confidential funds, diin ang Commission on Audit kon COA mismo ang nagmando sa pagbalik sa kapin P400 milyon nga pondo gikan sa Department of Education kon DepEd ug sa Office of the Vice President kon OVP.
Lakip usab sa mga ebidensya ang alegasyon sa bribery ug ang kadudahang wala pagdeklara sa cash on hand ug cash in bank sa iyang Statement of Assets, Liabilities, and Net Worth kon SALN gikan 2019 hangtod 2024, bisan pa nga adunay kapin 600 ka transaksyon nga natala sa Anti-Money Laundering Council AMLC ingon man ang P125 milyon nga nagasto sa usa ka adlaw nga giangot sa “betrayal of public trust.
Sigon pa ni Castro, nga adunay usab lig-on nga ebidensya sa “betrayal of public trust” ug mga hulga sa seguridad nga gihimo sa Bise Presidente kaniadtong Nobyembre 2023 diin usa na niini ang pagpanghulga sa kinabuhi sa Presidente, First Lady ug sa kanhi House Speaker. Gani matud pa niini, nga ang maong mga basihanan igo na aron ma-impeach si Duterte.
Dugang pa sa ni Castro, nga isip kanhi magbabalaod makita matud pa sa impeachment proceedings ang paghatag og hustong proseso pinaagi sa maayong pamaagi sa pagtubag sa mga pangutana ug interpelasyon aron makamugna og probable cause. Sa kinatibuk-an, giila niini nga ang Kongreso nagpamatuod sa liderato sa Speaker diin ang kadaghanan sa mga kongresista mingsuporta sa Administrasyon ug sa Presidente, tungod mao matud pa kini ang kasagarang kahimtang sa ubos balay balaoranan nga ang mga miyembro mosalig ug mopanig sa naglingkod sa gahum.
