BUTUAN CITY – Padayon pa ang pagkumbati sa mga bombero sa natigayong forest fires sa habagatang bahin sa Turkey nga mikalas na og walo bka mga tawo ug milamoy na sa 95-mil ektaryang kalasangan.
Sa eksklusibong pakighinabi sa Bombo Radyo Butuan, gipadayag ni Bombo International Correspondent Lorie Ann Cabanilla Argallion direkta gikan sa Turkey nga bisan og mayoriya sa gilamoy sa kalayo kalasangan, apan daghan usa’y na-abot nga mga resorts ug kabalayan hinungdan nga gipanghikling ang mga residente ug mga turista.
Base sa iyang nasayran, padayon pang gi-imbestigahan ang gigikanan sa kalayo ug apil sa gitutukang anggulo sa mga bombero ang arson kon gituyo kini pagsunog, anaa usab ang grabeng ka-init sa panahon nga hatud sa climate change ug ang hulga matud pa sa terorismo.
Daghan matud pa og tawo ang mga resorts ning anahuna tungod sa ka-init sa panahon rason nga daghan ang nagbakasyon samtang ang uban, nagpuyo una sa ilang resort houses.
Hinuon dako ang iyang pagpasalamat tungod kay wala’y Pinoy nga apil sa mga casualties. Sa pagkakaron, mitabok na matud pa sa border sa GFreece ug Italy ang maong kalayo.
