BUTUAN CITY – Mibiya na sa Islamabad, Pakistan ang top diplomat sa Iran nga si Foreign Minister Abbas Araghchi ug mipadulong sa Moscow sa pangindahay nga mapadayon ang Tehran-Washington talks taliwa sa mga hagit.
Adiser sa Moscow, mu-una pa si Araghchi sa Muscat, Oman human nga wala’y natigayong panagsabot tali sa Amerika kagahapon
Bisan pa man, duna’y mga sensyales sa dili direktang paningkamot human nasuta nga ang Iran, nag-transmit og sinulat nga mga mensahe ngadto sa mga American delegates pinaagi sa mediator sa Pakistan, kondiin apil niini ang pipila ka mga red lines asaIslamic Republic of Iran, sama sa nuclear issues ug sa Strait of Hormuz dayong klaro nga ang maong mga mensahe, dili apil sa bisan unsa mang negosasyon. .
Madumdumang gilugwayan ni US President Donald Trump ang ceasefire nga unang nasabutan sa Washington ug Tehran niadtong Abril 7, kansa maoy hinungdan nga nahunong ang binakbakay sa US ug Israel ngadto sa Iran ug vice versa.
Epektibong nababagan sa Iran ang Strait of Hormuz, rason nga naputol; ang dakong bulto sa supply sa oil, natural gas ug fertiliser gikan sa global market, rason sa pagsaka sa mga presyo niini ug isip balos, gibabagan usab sa Amerika ang mga pantalan sa Iran.
