BUTUAN CITY – Gikumpirma sa kagamhanan sa Estados Unidos nga dili sila magpasulod og mga tawo nga wala’y United States passports kung nakadalikyat sila sa mga nasud sa Africa nga apektado sa bag-ong Ebola outbreak sa nakalabay’ng 21 ka mga adlaw.
Sigon sa Centers for Disease Control and Prevention (CDC), base sa ilang gipagawas nga public health order nga gipirmahan ni acting CDC Director Dr. Jay Bhattacharya, apil niini nga mga nasud ang Uganda, Congo, ug South Sudan.
Ang nasangpit nga kamanduan nagsuspende sa katungod sa mga tawo gikan sa maong mga nasud, pagsulod sa US tungod sa seryusong risgo nga hatud sa Ebola disease ngadto sa ilang nasud nga posibleng madala sa mga langyaw nga gikan sa Congo diin nagtunhay ang emergent outbreak sa Ebola disease.
Ang public health order, epektibo sulod sa 30 ka mga adlaw. Alayon niini, pahugtan sa mga U.S. officials ang public health screening ug monitoring sa ubang mga biyahidor nga mangabot gikan sa mga nasud nga apekdato sa outbreak.
Ang screening naglakip sa pagtumbok sa mga simtomas sama sa hilanat ug pag-analisa sa posibleng exposure history.
