BUTUAN CITY- Gipahibalo sa Community Environment and Natural Resources Office kon CENRO-Nasipit nga na-usab ang iskedyul ug venue sa “Permitting on Wheels” nga una untang ipahigayon karunh sa Hulyo 28 ug 29 sa Butuan City Hall.
Sumala ni CENRO Officer Nelson Caranzo, himuon na ang kalihokan sa Hulyo 27 ug 28, 2026, sa Robinsons Place Butuan, unang andana, sugod alas 10:00 sa buntag hangtod alas 5:00 sa hapon.
Sigon pa niini, ang pagbag-o sa iskedyul ug lugar resulta sa kasabutan sa Department of Environmental and Natural Resources Development kon DENR management, kaubang mga ahensya, ug sa City Government sa Butuan aron mas mahatagan og hapsay ug komportableng serbisyo ang mga lumolupyo sa tibuok Agusan del Norte.
Gipasabot usab ni Caranzo, nga walay kausaban sa mga serbisyong ipanghatag, lakip ang pagproseso sa mga titulo sa yuta, land status, mga permit sa kalikupan sama sa cutting permit, ug libre nga konsultasyon alang sa tanang gustong magpatabang sa mga transaksyon nga may kalabotan sa kalikupan ug yutang publiko.
