BUTUAN CITY – Padayon pang gisuta sa mga otoridad ang gidak-on sa luna nga gilamoy sa wildfire bandang alas 9 kagabii sa Sitio Brazil, Barangay Mat-i, Surigao City, aron matino kung mugna ba kini sa tawo o tungod lamang kini sa kainit sa panahon.
Lakip sa ningpalong sa maong kalayo ang mga residente sa nasangpit nga lugar kansa nabalakang malakip kasunog ang ilang kabalayan.
Sumala opisyal nga datus sa National Disaster Risk Reduction and Management Council (NDRRMC), duna pa lamay duha ka mga dagkong wildfires nga natala karong tuiga, dinhi sa Caraga, usa sa Cabadbaran City ug ang usa usab sa lungsod sa Buenavista, nga parehong sakop sa Agusan del Norte.
Dugang niini, usa ang Caraga Region sa mga rehiyon nga anaa sa medium wildfire hazard level, kansa nagpasabot nga dunay 10% ngadto sa 50-porsientong tsansa nga magka-wildfire matag tuig.
