BUTUAN CITY – Giklaro ni Hinatuan, Surigao Del Sur Mayor Shem Garay nga alang lang usa sa mga residente sa maong lungsod ang pag-abli sa sikat nga tourist destination nga Enchanted River.
Sumala pa ni Mayor Garay, niadtong Hulyo 28 gihimo ang soft opening sa Enchanted River nga gibase gihapon sa mga guidelines sama sa limited capacity og health protocols.
Tumong niini nga macontrol ang tawo og matun-an kung unsay angayang buhaton aron dili makalapas sa balaod may kalabutan sa pagbatuk sa Covid-19.
Muabot lang sa 200 ka mga indibidwal ang ilang pasudlon sa matag adlaw. Lauman ning semanaha o kaha sa sunod semana lauman ang himoon nilang assessment kung pwede nabang tugutang makasulod ang taga Surigao Del Sur.
Apan gipahayag ni Mayor Garay nga pinakadugay na ang sunod bulan aron ila kining ma-ablihan alang sa tanang Caraganons apan depende gihapon kini sa sitwasyon sa kaso sa Covid-19 ning rehiyon.
Gi-angkon pa ni Mayor Garay ang dakong epekto sa Covid-19 ngadto sa panudlanan sa lungsod sa Hinatuan human napasira ang Enchanted River.
Kaniadto sa wala pa ang virus, muabot sa 13 ngadto sa 18 bilyones pesos ang kita sa maong tourist destination apan sa karun sa ilang pagban-bana muabot na sa 5-milyones pesos ang nawala niini sukad niadtong Marso.
Gawas pa kini sa kapin 200 ka trabahante nga apektado lakip na ang mga Job Order kon JO nga nawad-an og trabaho kansa unom nalang ka trabahante nga pulos security guard ang nabilin sa Enchanted River.
Nasayran nga tumong sa maong pag-abli sa Enchanted River nga makabangon ang ekonomiya sa maong lungsod diin dunay mga protekto nang nauktaba.
Sa karun 100 pesos na ang entrance sa maong sikat nga tourist destination apan package na kini sukwahi sa na-andan nga 40 pesos ang entrance sa matag-usa apan wala pay labot niini ang mogamit og jacket og mga lamesa.
