BUTUAN CITY -Nakatala lang og 3-porsientong unemployment rate ang Caraga Region as of Abril ning tuiga human nga milapas usab sa target ang employment rate sa Department of Labor and Employment kon DOLE-Region 13 sa susamang period nga mi-abot sa 97-porsiento.
Sa eksklusibong pakighinabi sa Bombo Radyo Butuan, gibutyag ni DOLE-Caraga regional director Atty. Joffrey Suyao nga timaan na kini sa pagbalik na sa normal sa kalagsik sa ekonomiya ning rehiyon tungod kay mas taas matud pa kini kung ikumpara sa entiro tuig 2019 adiser ang COVID-19 pandemic kondiin nakatala lang ang rehiyon og 94.9-porsiento nga employment rate samtang 5.1-porsiento usab ang unemployment rate.
Mapasalamaton ang opisyal tungod kay timaan matud pa kini nga andam na ang mga business establishments ning rehiyon nga mu-engage pag-usab sa negosyo ug andam na usab nga mu-hire og mga trabahante.
Dakong tabang sa kusog nga pagsaka sa employment rate ang mga major contributors sama sa industriy sa pagmina nga maoy duna’y pinakadakong employment rate ug stable ang pagtrabaho bisan niadtong panahon sa pandemya.
Samtang ang service industry usab mao ang kanunay nga nagahatag og dako kaayong kontribusyon sama sa mga hotels, restaurants, accomodations, retail industries, mga tindahan ug uban pa
