BUTUAN CITY – Laing 27 ka mga bag-ong kaso sa COVID-19 ang nadugang ning adlawa dinhi sa Caraga Region, base na sa migawas nga resulta sa RT-PCR tests kagahapong adlawa nga nakuha sa Department of Health-Center for Health and Development kon DOH-CHD Caraga.
Sa ilang virtual announcement, 15 niini mga lalaki kon 56% samtang 12 ang mga babaye kon 44% ug 52% kanila anaa sa edad nga 21 hangtud 60-anyos ug parehong gi-quarantine, gi-monitor ug gi-atiman og maayo.
Sa maong ihap, 2 ang mga locally stranded individuals samtang 25 ang mga local transmission kondiin 8 ang mga bag-ong local transmission, 14 ang mga duna’y close contacts sa mga kanhi kumpirmadong kaso, 1 ang frontliner ug 2 ang mga health workers kondiin tg-12 kanila ang wala’y simtomas kon asymptomatic ug duna’y mild symptoms, 2 ang grabe kon severe ug usa ang anaa sa kritikal nga kondisyon.
Sa pagkakaron, ang Caraga Region duna na’y kinatibuk-ang 1,317 ka mga kaso kondiin 835 ang mga naka-recover, 438 ang mga aktibong kaso ug 44 na ang patay.
