-- ADVERTISEMENT --
BUTUAN CITY- Gitan-aw sa Department of Tourism kon DOT ang posibilidad nga himuong Tourism Ambassador ang girl group nga BINI sa Pilipinas, human sa ilang makasaysayanong first all-Filipino act Performance sa Coachella nga nagdala sa bandila sa nasud sa internasyonal nga entablado.
Gipadaya ni Tourism Secretary Dita Angara-Mathay, nga plano nilang makigpulong sa “Pantropiko” hitmakers, kinsa karon nagbiyahe pa, dayong butyag nga dako ang bili sa talento nga makapahimulos sa dungog sa kalibutan ug mapasigarbo ang bandila sa Pilipinas.
Giila usab sa Senado ug House of Representatives ang maong grupo pinaagi sa pagpasa og resolusyon kansa nagrekognisa sa Bini Coachella performance, timaan sa pag-suporta sa gobyerno sa ilang kalampusan.
