BUTUAN CITY – Gipahibalo sa Philippine Embassy sa Doha nga sa usa ka Filipino ang naka-angkon og minor injuries tungod sa shrapnel gikan sa mga na-intercept nga missile ug anaa na sa luwas na kahimtang ang biktima.
Samtang padayon nga nag-monitor ang embahada 24/7 sa sitwasyon ug nakig-alayon sa lokal nga otoridad sa Qatar ug uban pang diplomatikong misyon sa rehiyon aron masiguro ang kaluwasan sa mga Pilipino ug sigon sa Migrant Workers Office, gihatagan og temporaryong puy-anan ang 29 ka mga Pilipino nga namakwit gikan sa ilang mga balay tungod sa duol nga peligro nga lugar, ug anaa sila sa maayong kahimtang.
Ang mga stranded nga pasahero ug temporary visitors gipahimutang sa hotel sa ilang airline o gi-atiman sa ilang visa sponsors, samtang padayon ang embahada sa pagtabang sa emergency consular ug labor concerns.
Hugot nga gihangyo sa embahada ang tanang Pilipino sa Qatar nga magpabilin sa sulod sa balay, sundon ang mga giya sa lokal nga kagamhanan ug embahada, ug likayan ang pagpakatap sa fake news dayong pahimangno nga kanunay susihon ang kamatuoran sa dili pa mag-share aron malikayan ang kalisang sa komunidad.
