BUTUAN CITY – Gikalipay sa Department of Education kon DepEd-Caraga ang bag-ohay lang gipirmahan ni Pangulong Ferdinand marcos jr nga Republic Act 12080, o the Basic Education Mental Health and Well-Being Promotion Act.
Sigon ni Pedro Tecson, tigpamaba sa Department of Education kon DepEd-Caraga nga dakong matabang ang maong balaod sa kabataan tungod kay tagdon niini ang mental health condition nga maoy dakong papel aron mas maka-perform ang mga bata dili lang sulod sa tunghaan kundi sa tibook nilang kinabuhi.
Dugang pa ni Tecson nga ang maong balaod maoy tubag sa nagkataas nga problema karun sa suicide diin sa nakalabay nga tuig lang nakatala ang departamento sa edukasyon og 252 ka kaso lakip na niini ang 113 sa elementarya.
Daghan na usab ang mag-aplay alang sa pagka-guidance councilor ilabina kay plastaron niini ang pagmugna sa maong position diha sa edukasyon.
Kini dayung angkon nga sa rehiyon sa Caraga muabot sa 138 ka guidance councilors ang kulang.
Ang mga niini maoy magdumala sa itukod nga care centers sa matag tunghaan samtang sa regional offices, ipatuman usab ang mental health and employee welfare program.
Sa karun, gipaabot nalang nila ang implementing rules and regulations aron hingpit na kining mapatuman.
