BUTUAN CITY- Nagpagawas ang Department of Justice kon DOJ og Immigration Lookout Bulletin Order kon ILBO batok kang kanhi Ateneo men’s basketball head Coach Thomas Anthony “Tab” Baldwin ug upat pa ka kanhi opisyal sa Ateneo men’s basketball team nga sila Christopher “Epok” Quimpo, kanhi Team Manager, Reynaldo Jacinto, Jr., Assistant Coach, Dean Castaño, Assistant Coach ug ni Sandro Soriano, Assistant Coach, samtang nagpadayon ang imbestigasyon sa pagkamatay sa mga student-athletes nga sila Rene Baterbonia ug Divine Adili atol sa gihimong team-building activity sa Dipaculao niadtong Hunyo 8.
Sumala ni Fredderick Vida, ang ILBO usa lamang ka mekanismo sa pagmonitor ug dili pagdili sa pagbiyahe o pagpasabot nga adunay sala ang mga nalambigit. Giingon usab niya nga gisusi sa DOJ ang posibleng responsibilidad sa unibersidad ug sa mga coach ubos sa prinsipyo sa substitute parental authority sa mga estudyante.
Samtang nagpadayon ang imbestigasyon, gihangyo sa DOJ ang publiko nga likayan ang mga espekulasyon. Si Baldwin ug ang kanhing team manager nga si Christopher “Epok” Quimpo mi-resign na sa ilang mga posisyon, ug bisan pa sa pagpasaylo ni Baldwin sa mga pamilya sa mga biktima, giingon sa inahan ni Baterbonia nga dili igo ang usa ka pagpangayo og pasaylo.
