Nagpahimangno ang Department of Health kon DOH sa publiko batok sa mga sakit nga mingkaylap sa panahon sa tag-ulan.
Lakip na niini ang dengue nga makuha gikan sa lamok nga nagapuyo sa mga nastock nga tubig.
Pipila sa mga sintomas niini naglakip sa taas nga hilanat, grabeng labad sa ulo, sakit sa kaunoran ug lutahan, kasukaon, ug mga rashes.
Posibleng makasinati og sintomas ang indibidwal nga nataptan sa sakit sulod sa upat hangtud 10 ka adlaw human mapaakan og lamok kansa nagdala og dengue virus.
Apan, gidasig ang tanang inidibidwal nga nakasinati sa maong sintomas nga magpakonsulta gilayon sa doktor.
Giawhag usab ang publiko sa pagsunod sa 4T strategy kon “taob, taktak, tuyo, takip” aron malikayan ang sakit.
Gawas sa dengue, gikabalak-an usab sa ahensya sa publiko ang water-and foodborne diseases, influenza-like illness ug leptospirosis.
Kahinumduman una na nang gideklara sa state weather bureau ang pagsugod sa ulan niadtong Hunyo 2, 2025.
