BUTUAN CITY- Nagpatuman ang Department of Health og Leptospirosis ug Dengue fast lane sa tanang mga DOH hospitals ug Bukas Center subay sa mandato ni President Ferdinand Marcos Jr.
Sumala ni Palace Press Office USec. Claire Castro, gimandoan sa Presidente ang mga hospital nga mahimong andam ugaling mosaka ang kaso sa leptospirosis ug dengue sa mga lugar nga apektado sa daot nga panahon, naka-andam usab ang mga tambal ug uban pang mga health supplies alang sa mga lokal nga panggamhanan.
Gibisita usab ni President Marcos kaganiha ang Las Piñas City kinsa usa sa nakasinati og grabe nga pagbaha tungod sa habagat aron kumostahon ang mga pamilyang na-apektuhan sa daot nga panahon.
Inspeksyonon usab sa Presidente ang high Vacuum Self cleaning Drainage Trailer pump, kini usa ka dakong mobile trailer pump nga pwedeng mo bira og sakyanan ug posible usab kining gamiton sa paghigop sa tubig-baha.
